காஷ்மீரின் பஹல்காமில் அப்பாவி மக்கள் 26 பேரை கொன்று குவித்த பாகிஸ்தான் பயங்கரவாதிகளுக்கு இந்தியா மிகப்பெரிய பதிலடியை கொடுத்தது. ஆபரேஷன் சிந்தூர் என்ற பெயரில் பாகிஸ்தான் மற்றும் பாகிஸ்தான் ஆக்கிரமிப்பு காஷ்மீருக்குள் புகுந்து, பயங்கரவாதிகளின் கோட்டைகளில் நம் ராணுவம் குண்டு மழை பொழிந்தது. லஷ்கர் இ தொய்பா, ஜெய்ஸ் இ முகமது உள்ளிட்ட பயங்கரவாதிகளின் 9 முகாம்களை குண்டு வீசி சிதைத்தது. இதில் மிகப்பெரிய சம்பவம் என்றால், சர்வதேச பயங்கரவாதி மசூத் அசார் கோட்டையில் குண்டு மழை பொழிந்தது தான். இவன் தான் ஜெய்ஸ் இ முகமது பயங்கரவாத அமைப்பின் தலைவன். இந்தியாவுக்கு எதிராக பல கொடி சம்பவங்களை நடத்தியவன். இவனது தலைமை முகாம், சரியாக நமது எல்லையில் இருந்து 100.4 கிலோ மீட்டர் தூரத்தில் பஹவல்பூர் என்ற நகரில் உள்ளது.