எந்தெந்த மாவட்டங்களில் மழை கொட்டும்: முழு தகவல் | rain | tamilnadu weatherman | meteorological cent
தமிழகத்தில் கடந்த சில வாரங்களாகவே வெப்பம் தொடர்ந்து அதிகரித்து வந்தது. பல இடங்களில் 100 டிகிரி பாரன்ஹீட்டையும் தாண்டி வெயில் கொளுத்தியது. இதனால் மதிய நேரங்களில் மக்கள் வெளியே செல்ல முடியாமல் அவதியடைந்தனர். இந்த சூழலில் தான் இன்று காலை வானிலை மொத்தமாக மாறியது. தமிழகம், புதுச்சேரியில் பல்வேறு இடங்களிலும் மழை பெய்கிறது. குறிப்பாக சென்னையில் வெப்பம் பாடாய் படுத்தி வந்த நிலையில், காலை பெய்த மழை வெப்பத்தை கணிசமாகக் குறைந்தது. மழை இல்லாத இடங்களில் கூட வெப்பம் குறைந்தே இருக்கிறது. இதனால் மக்கள் சற்று நிம்மதி அடைந்தனர். தொடர்ந்து தமிழகத்தில் எங்கெல்லாம் மழை பெய்யும்.. வரும் நாட்களில் எங்கு மழை இருக்கும் என்பது குறித்த தகவல்களை வெதர்மேன் பிரதீப் ஜான் பகிர்ந்துள்ளார். மார்ச்சில் வழக்கத்திற்கு மாறான வெப்பமான நாட்களுக்கு பிறகு, அதை சமன் செய்ய இயற்கை சரியான நேரத்தில் மழையை கொண்டு வந்துள்ளது.