தென்காசி மாவட்டம் சுரண்டை சிவகுரு நாதபுரத்தை சேர்ந்தவர் உஷா பிரபு வயது 40. காங்கிரஸ் கட்சியை சேர்ந்த இவர் சுரண்டை ஏழாவது வார்டு கவுன்சிலராக இருந்தார். இவரது கணவர் அருள்செல்வம் வயது 50. தம்பதிக்கு 2 மகன்கள் ஒரு மகள் உள்ளனர். இன்று காலை 9 மணி அளவில் உஷா மற்றும் அருள்செல்வம் டூவீலரில் வயலுக்கு கிளம்பினர். உடன் அருள்செல்வம் தங்கை பிளஸ்ஸியும் வந்துள்ளார். அவருக்கு வயது 35. 3 பேரும் ஒரே டூவீலரில் சென்று கொண்டு இருந்தனர். சுரண்டை டு சங்கரன்கோவில் செல்லும் சாலையில் இரட்டை குளம் பகுதியில் வந்த போது அருள்செல்வம் சாலையை கடக்க முயற்சி செய்துள்ளார். அப்போது அங்கு காய்கறி லோடு ஏற்றி வந்த லோடு வண்டி ஒன்று இவர்கள் மீது மோதி உள்ளது. அதிவேகமாக மோதிய இந்த கோர விபத்தில் 3 பேரும் பைக்கில் இருந்து தூக்கி வீசப்பட்டனர்.