கார் விபத்தில் தவெக நிர்வாகிகள் 2 பேர் பலி! 5 பேர் பலத்த காயம் தமிழக வெற்றி கழகத்தின் முதல் மாநில மாநாடு விக்கிரவாண்டியில் நடக்கிறது. தமிழகத்தின் பல இடங்களில் இருந்து அவரது ரசிகர்கள், தொண்டர்கள் விக்கிரவாண்டியில் குவிந்த வண்ணம் உள்ளனர். திருச்சி தெற்கு மாவட்ட தவெக இளைஞர் அணி தலைவர் சீனிவாசன் உட்பட 7 பேர் இனோவா காரில் மாநாட்டிற்கு சென்று கொண்டிருந்தனர். கள்ளக்குறிச்சி, உளுந்தூர்பேட்டை அருகே வந்த போது காரின் முன்பக்க டயர் வெடித்து சென்டர் மீடியனில் மோதி சாலையோர பள்ளத்தில் கார் கவிழ்ந்தது. கார் டிரைவர் உட்பட 7 பேரும் படுகாயம் அடைந்தனர். பின்னால் வந்த தவெகவினர் இவர்களை உளுந்தூர்பேட்டை அரசு மருத்துவமனையில் அட்மிட் செய்தனர். இதில் கலையரசன் என்பவர் ஏற்கனவே இறந்து விட்டதாக மருத்துவர்கள் கூறினர். இவர் திருச்சி தெற்கு மாவட்ட இளைஞரணி துணை தலைவர்.