கடந்த ஆண்டு நவம்பரில் நடந்த அமெரிக்க அதிபர் தேர்தலில் குடியரசு கட்சி வேட்பாளர் டொனால்டு டிரம்ப் வெற்றி பெற்றார். வரும் 20ம் தேதி அதிபராக அவர் பதவியேற்க உள்ளார். வாஷிங்டனில் நடக்கும் பிரமாண்ட விழாவில், கலை நிகழ்ச்சிகள், விருந்துக்கு பிரமாண்ட ஏற்பாடுகள் செய்யப்பட்டு உள்ளன. பல்வேறு நாடுகளை சேர்ந்த விஐபிக்கள் பங்கேற்க உள்ளனர். மத்திய அரசின் சார்பில் வெளியுறவு அமைச்சர் ஜெய்சங்கர் விழாவில் பங்கேற்க உள்ளார். தொழிலதிபர் முகேஷ் அம்பானிக்கும் அழைப்பு விடுக்கப்பட்டுள்ளது. பதவியேற்பு விழாவுக்கு முன்பு நடக்கும் இரவு விருந்திலும் அவர் கலந்து கொள்ள உள்ளனர். விருந்து மற்றும் பதவியேற்பு விழாவில் உலகின் முன்னணி தொழில் அதிபர்களான எலான் மஸ்க், மார்க் சூகர்பெர்க், செப் பெசோஸ் உள்ளிட்டோரும் கலந்து கொள்கின்றனர்.