பணக்கார நாடுகள் செய்யாததை மோடி தலைமையில் இந்தியா செய்தது திருவனந்தபுரம் தொகுதி காங்கிரஸ் எம்.பி. சசிதரூர், காங்கிரஸ் கூட்டணி ஆட்சிக் காலத்தில் வெளியுறவு துறை இணை அமைச்சராக இருந்தார். இப்போது எதிர்க்கட்சி வரிசையில் இருந்தபோதும் பிரதமர் மோடியை அவர் எடுக்கும் முடிவுகளுக்காக அவ்வப்போது பாராட்டி வருகிறார். சில வாரங்களுக்கு முன் அவர் கூறியதாவது: டொனால்டு டிரம்ப் அமெரிக்க அதிபரான பிறகு ஒரு சில நாடுகளின் தலைவர்களை வாஷிங்டன் அழைத்து பேசினார். அந்த தலைவர்களின் பட்டியலில் பிரதமர் மோடியும் இடம்பெற்றிருந்தார். இது இந்தியாவுக்கு அமெரிக்கா கொடுக்கும் முக்கியத்துவத்தை காட்டுகிறது. பிரதமர் மோடியின் செல்வாக்கை அது வெளிப்படுத்துகிறது என சசிதரூர் கூறியிருந்தார். மற்றொரு சந்தர்ப்பத்திலும் மோடி அரசை சசிதரூர் பாராட்டினார்.