பீகார் மாநிலம், சரண் மாவட்டத்தை சேர்ந்த பெண் டாக்டருக்கு வயது 26. அவரும் 30 வயதுள்ள நபரும் காதலித்தனர். திருமணத்துக்கு முன் இருவரும் நெருக்கமாக இருந்ததால், டாக்டர் இரண்டு முறை கருக்கலைப்பு செய்துள்ளார். இருவரும் சரண் மாவட்ட நீதிமன்றத்தில் பதிவு திருமணம் செய்து கொள்ள முடிவு எடுத்தனர். இதற்கான ஏற்பாடுகளை டாக்டர் செய்த நிலையில் காதலன் நீதிமன்றம் வரவில்லை. காதலனுக்கு பாடம் புகட்ட நினைத்த டாக்டர் நைஸாக பேசி கிளினிக்கிற்கு வரவழைத்துள்ளார். அவருக்கு மயக்க ஊசி போட்டு மர்ம உறுப்பை வெட்டி எடுத்து விட்டு தலைமறைவானார். இதுகுறித்து காதலன் போனில் போலீசுக்கு தகவல் தெரிவித்தனர். அங்கு வந்த போலீசார் காதலனை மீட்டு வேறு ஆஸ்பிடலில் சேர்த்தனர். தலைமறைவான டாக்டரை கைது செய்து விசாரித்தனர். 2 ஆண்டாக காதலித்து நெருங்கி பழகினோம். திருமணம் செய்வதாக கூறி ஏமாற்றிவிட்டார். அந்த ஆத்திரத்தில் அந்தரங்க உறுப்பை வெட்டியதாக போலீசாரிடம் டாக்டர் பெண் கூறினார்.