உமர் அப்துல்லா கடந்த 16ம் தேதி முதல்வராக பதவி ஏற்றார். அவர் முதல்வரான பிறகு தொடர்ச்சியாக பயங்கரவாத தாக்குதல்கள் நடந்து வருகின்றன. வெளி மாநிலத்தவரை குறிவைத்து பயங்கரவாதிகள் தாக்குகின்றனர். 20ம்தேதி கந்தர்பாலில் பயங்கரவாதிகள் நடத்திய தாக்குதலில் ஒரு டாக்டர் உட்பட 7 பேர் கொல்லப்பட்டனர். 24ம் தேதி பாரமுல்லாவில் ராணுவ வாகனம் மீது பயங்கரவாதிகள் தாக்குதல் நடத்தியதில் 2 வீரர்கள், 2 தொழிலாளிகள் என 4 பேர் பலியாயினர். நேற்று பட்கம் மாவட்டத்தில் உத்தரப்பிரதேசத்தைச் சேர்ந்த 2 தொழிலாளர்களை பயங்கரவாதிகள் சுட்டனர். இன்றும் கூட ஸ்ரீநகர் மற்றும் அனந்த் நாக்கில் பயங்கரவாதிகளுக்கும் பாதுகாப்புப்படையினருக்கும் சண்டை நடந்தது. அனந்த் நாக்கில் 2 பயங்கரவாதிகள் கொல்லப்பட்டனர். ஸ்ரீநகரில் நடந்த சண்டையில் ஒரு பயங்கரவாதி கொல்லப்பட்டான். 4 போலீசார் காயமடைந்தனர். ஸ்ரீநகரில் கொல்லப்பட்ட பயங்கரவாதி பாகிஸ்தானைச் சேர்ந்தவன். லஷ்கர் இ தாய்பா அமைப்பின் டாப் கமாண்டர் உஸ்மான் என்ற சோட்டா வாலித் Chota Walid என தெரிய வந்தது.