கோவை தமிழ்நாடு விளையாட்டு மேம்பாட்டு ஆணையம் -எஸ்.டி.ஏ.டி. மூலம் திறமையான மாணவர்களுக்கு பல்வேறு விளையாட்டிற்கான பயிற்சி வழங்கப்படுகிறது. திறமையான வீரர்களை தேர்ந்தெடுத்து, விடுதி வசதியுடன் வீரர்கள் பயிற்சி அளிக்கப்படுகிறது. சமீபத்தில் பள்ளிக்கல்வித் துறை சார்பில் நடைபெற்ற மாநில அளவிலான விளையாட்டு போட்டிகளில் SDAT மாணவர்கள் அசத்தல் வெற்றி பெற்றுள்ளனர். திருச்சியில் மாநில அளவிலான குடியரசு தின விளையாட்டு போட்டிகள் நடைபெற்றது . 17 வயதுக்குட்பட்ட ஆண்கள் வாலிபால் போட்டி நடந்தது. போட்டியில் எஸ்.டி.ஏ.டி. விடுதி சபர்பன் பள்ளி மாணவர்கள் அபார வெற்றி பெற்றனர் மேலும் திருவண்ணாமலையில் மாநில அளவிலான பாரதியார் தின விளையாட்டு போட்டிகள் நடைபெற்றது. இதில் 19 வயதுக்குட்பட்ட ஆண்கள் கூடைபந்து விறுவிறுப்பாக நடந்தது. எஸ்.டி.ஏ.டி.விடுதி சபர்பன் மேல்நிலை பள்ளி மாணவர்கள், இரண்டாம் இடம் வென்று அசத்தினர். வெற்றி பெற்ற வீரர்களுக்கு SDAT நிர்வாகிகள் வாழ்த்து தெரிவித்தனர்.