வேதாளம் தெலுங்கு ரீமேக் : சிரஞ்சீவிக்கு ஜோடியாக தமன்னா
சிரஞ்சீவி நடித்த சைரா நரசிம்ம ரெட்டி படத்தில் சிரஞ்சீவியுடன் இணைந்து நடித்திருந்த தமன்னா, தற்போது இரண்டாவது முறையாக மெஹர் ரமேஷ் இயக்கத்தில் சிரஞ்சீவி நடிக்கும் போலா சங்கர் படத்திலும் அவருக்கு ஜோடியாக நடிக்க ஒப்பந்தமாகியிருக்கிறார். இந்த படத்தில் நடிப்பது குறித்து தமன்னாவிடத்தில் பேச்சுவார்த்தை நடைபெற்று வந்த நிலையில் தற்போது அவர் அக்ரிமெண்டில் சைன் பண்ணி விட்டதாக செய்திகள் வெளியாகியுள்ளன.
தமிழில் அஜித் நடித்த வேதாளம் படத்தின் தெலுங்கு ரீமேக்கான இந்த போலா சங்கர் படத்தில் சிரஞ்சீவிக்கு ஜோடியாக தமன்னா நடிக்க, தங்கையாக கீர்த்தி சுரேஷ் நடிக்கிறார். இப்படத்தின் படப்பிடிப்பு நவம்பர் 15ஆம்தேதி முதல் தொடங்கும் நிலையில், ஜனவரி மாதம் முதல் படப்பிடிப்பில் கலந்து கொள்கிறார் தமன்னா. இந்த படம் தவிர தெலுங்கில் இன்னொரு மூத்த ஹீரோவுடன் நடிப்பதற்கும் பேச்சுவார்த்தையில் ஈடுபட்டுள்ளார் தமன்னா.