வெளிநாடுகளில் 1193 தியேட்டர்களில் 'அண்ணாத்த' வெளியீடு

சிவா இயக்கத்தில் இமான் இசையமைப்பில் ரஜினிகாந்த், நயன்தாரா, கீர்த்தி சுரேஷ் மற்றும் பலர் நடிக்கும் படம் 'அண்ணாத்த'. நவம்பர் 4ம் தேதி தீபாவளியன்று இப்படம் தியேட்டர்களில் வெளியாக உள்ளது. தமிழ்நாடு, பிறமாநிலங்கள் தவிர, உலகம் முழுவதும் படத்தை 1193 தியேட்டர்களில் வெளியிடுகிறார்கள். தமிழ், தெலுங்கு என இரு மொழிகளில் இப்படம் வெளியாக உள்ளது.

அமெரிக்காவில் அதிகபட்சமாக 677 தியேட்டர்களில் இப்படம் வெளியாகிறது. அடுத்து ஐக்கிய அரபு நாடுகளில் 117, மலேசியாவில் 110, இலங்கையில் 86, ஆஸ்திரேலியா, நியூசிலாந்தில் 85, ஐரோப்பிய நாடுகளில் 43, யுனைட்டெட் கிங்டம் 35, சிங்கப்பூர் 23, கனடா 17 என மொத்தமாக 1193 தியேட்டர்களில் வெளியாக உள்ளது. வெளிநாடுகளில் அதிகமான தியேட்டர்களில் வெளியாகும் முதல் தமிழ்ப் படம் 'அண்ணாத்த' தானாம்.

தமிழ்நாட்டில் 600க்கும் மேற்பட்ட தியேட்டர்களிள் வெளியாகும் எனத் தெரிகிறது. ஆந்திரா, தெலங்கானா, கேரளா, வட இந்தியா என 1000 தியேட்டர்களில் வெளியாகவும் வாய்ப்புள்ளது. நாளைக்குள் இந்த விவரங்கள் தெரிய வரும்.