வித்தியாசமான ஆக்ஷன் காத்திருக்கிறது - விக்ரம்பிரபு

விக்ரம்பிரபு, வாணிபோஜன் நடிக்கும் ‛பாயும் ஒளி நீ எனக்கு' படத்தில் கன்னட நடிகர் தனன்ஜெயா வில்லனாக நடித்துள்ளார். அதிரடி ஆக்ஷன் படமாக உருவாகியுள்ள இப்படத்தை கார்த்திக் அத்வைத் இயக்கியுள்ளார். இப்படம் மூலம் சாகர் இசையமைப்பாளராக அறிமுகமாகிறார்.

விக்ரம் பிரபு பேட்டி: ரசிகர்கள் என்ன எதிர்ப்பார்ப்பார்கள் என்பதை ஒரு இயக்குனராக இல்லாமல், ரசிகராக இருந்து பார்த்து காட்சிகளை இயக்குனர் அமைத்துள்ளார். வாணிபோஜனிடம் எப்போதுமே ஒரு பாசிடிவ் எனர்ஜி இருக்கும். எந்நேரமும் சிரித்த முகமாகவே இருப்பார். ரசிகர்களுக்கு வித்தியாசமான ஆக்ஷன் காத்திருக்கிறது என்றார்.

வாணிபோஜன் கூறுகையில், ‛‛பெரிய ஸ்டார் குடும்பத்தில் இருந்து வந்த விக்ரம் பிரபு எப்படி இருப்பாரோ என பயந்தேன். ஆனால் அவர் அன்பாக பழகினார். எந்த பந்தாவும் இல்லை. காதல் காட்சிகளில் கூட கேட்டு தான் நடித்தார்,'' என்றார்.