கனவு வாகனத்தை சொந்தமாக்கிய அம்மு அபிராமி

ராட்சசன் படத்தில் விஷ்ணு விஷாலின் சகோதரி மகளாக அறிமுகமானவர் நடிகை அம்மு அபிராமி. முதல் படத்திலேயே ரசிகர்களை கவர்ந்த அவர் அசுரன் படத்தில் தனுஷுக்கு முறைப்பெண்ணாக பிளாஷ்பேக் காட்சிகளில் அசத்தலாக நடித்திருந்தார். தொடர்ந்து கார்த்தியின் தம்பி, மணிரத்னம் தயாரிப்பில் வெளியான நவரசா ஆகிய படங்களில் நடித்தவர், தற்போது ஹரி டைரக்சனில் அருண் விஜய் நடிக்கும் யானை படத்தில் முக்கிய வேடத்தில் நடித்து வருகிறார்.

இந்தநிலையில் தனது கனவு வாகனமான மகிந்தரா கம்பெனியின் தயாரிப்பான தார் என்கிற புதிய வாகனத்தை (ஜீப்) சமீபத்தில் வாங்கியுள்ளார். இந்த காரில் அமர்ந்தபடி மகிழ்ச்சியுடன் எடுத்துக்கொண்ட புகைப்படங்களையும் சோஷியல் மீடியா பக்கத்தில் வெளியிட்டுள்ளார் அம்மு அபிராமி.