ஹரிஷ் கல்யாணுடன் மீண்டும் இணையும் பிரியா பவானி சங்கர்

மேயாத மான் மூலம் அறிமுகமான ப்ரியா பவானி சங்கர் கைவசம் சுமார் 10-க்கும் மேற்பட்ட படங்கள் உள்ளன. இதில் குருதியாட்டம், ஹாஸ்டல், ருத்ரன், இந்தியன் 2 , 10 தல என புதிய படங்களில் அடுத்தடுத்து கமிட்டாகி நடித்து வருகிறார். இவர் நடிப்பில் கடந்த மாதம் ஓடிடியில் வெளியான படம் ஓ மணப்பெண்ணே. பிரியா பவானி சங்கருக்கு ஜோடியாக ஹரிஷ் கல்யாண் நடித்திருந்தார். கார்த்தி சுந்தர் என்ற அறிமுக இயக்குனர் இயக்கி இருந்த இந்த படம் தெலுங்கில் வெளியாகி ஹிட் அடித்த பெல்லி சூப்புலு படத்தின் ரீமேக்.

இந்த படத்துக்கு கிடைத்த வரவேற்பை தொடர்ந்து மீண்டும் இதே கூட்டணி இணைய இருக்கிறது. முழுக்க முழுக்க காதல் கதையாக உருவாகும் இந்த படத்தில் மீண்டும் ஹரிஷ் கல்யாணுடன் பிரியா பவானி சங்கர் ஜோடி சேர்கிறார்.