நயன்தாராவின் கனெக்ட்

நயன்தாராவை வைத்து மாயா படத்தை இயக்கியவர் அஸ்வின் சரவணன். 6 ஆண்டுகளுக்கு பின் மீண்டும் நயன்தாராவை வைத்து ஒரு படத்தை இயக்குகிறார். இந்த படத்திற்கு கனெக்ட் என பெயரிட்டு இரு போஸ்டர்களை வெளியிட்டுள்ளனர். ஹிந்தி நடிகர் அனுபம் கெர், நடிகர் சத்யராஜ் ஆகியோரும் முக்கிய வேடத்தில் நடிக்கின்றனர். பிரித்வி சந்திரசேகர் இசையமைக்கிறார். நயன்தாராவின் காதலரும், இயக்குனருமான விக்னேஷ் சிவன் இந்த படத்தை தனது ரவுடி பிக்சர்ஸ் சார்பில் தயாரிக்கிறார். நயன்தாராவின் பிறந்தநாளான இன்று(நவ., 18) இதற்கான அறிவிப்பு வெளியாகி உள்ளது. மாயா படம் போன்று இந்த படமும் சஸ்பென்ஸ் திரில்லர் கலந்த படமாக நயன்தாராவை முதன்மை நாயகியாக கொண்டு தயாராகிறது.