பாலிவுட் நடிகை மாதவி கோகேட் மரணம்

பாலிவுட் திரைப்படங்களிலும், சின்னத்திரை தொடர்களிலும் நடித்து வந்தவர் மாதவி கோகேட். கோவிந்தா, ஜூஹி சாவ்லா நடித்த ஸ்வர்க் படம் மூலம் பாலிவுட்டில் அறிமுகமானவர். பாலிவுட் தவிர மராத்தி படங்களிலும் நடித்து வந்தார். ஸ்டார் பிளஸில் ஒளிபரப்பாகி வரும் அனுபமா சீரியலில் கடைசியாக நடித்தார்.

58 வயதான மாதவிக்கு கொரோனா தொற்று உறுதி செய்யப்பட்டது. மும்பையில் உள்ள செவன் ஹில்ஸ் மருத்துவமனையில் அனுமதிக்கப்பட்டார். அங்கு அவருக்கு டாக்டர்கள் தீவிர சிகிச்சை அளித்து வந்தனர். ஆனால் அவர் சிகிச்சை பலனின்றி நேற்று உயிரிழந்தார். மாதவியின் மரணத்திற்கு இந்தி திரையுலக, சின்னத்திரை பிரபலங்கள் இரங்கல் தெரிவித்து வருகிறார்கள்.