கனா காணும் காலங்கள் புது சீசன் தொடக்கம்

சின்னத்திரை சீரியல் ரசிகர்களை விஜய் டிவி பக்கம் திருப்பிய பெருமை 'கனா காணும் காலங்கள்' சீரியலையே சேரும். பள்ளி, கல்லூரி என மாணவர்களின் வயது பருவத்தை மையப்படுத்தி புத்தம் புதிய களத்தில் வெளியாகி அனைத்து தரப்பு ரசிகர்களையும் கவர்ந்தது. இன்று விஜய் டிவியன் முகங்களாக வலம் வரும் கவின், ராஜு, சாய் காயத்ரி என பலரும் கனா காணும் காலங்களில் அறிமுகமானவர்கள் தான்.

தற்போது ரசிகர்களின் நீண்ட நாள் எதிர்பார்ப்பிற்கு பிறகு கனா காணும் காலங்கள் புதிய சீசன் வரவுள்ளது. நேற்று, இந்த சீரியலுக்கான பூஜை நடத்தப்பட்டு படப்பிடிப்பும் தொடங்கியுள்ளது. பாரதி கண்ணம்மா, ராஜா ராணி சீரியல்களை தயாரித்த குளோபல் வில்லேஜர்ஸ் நிறுவனம் இந்த சீரியலை தயாரிக்கிறது.

முந்தைய சீசன்களில் நடித்திருந்த ஆர்ஜே சிவகாந்த், வெற்றி ஆகியோர் திரைக்கதை எழுத்தாக்கத்தில் உதவி புரிந்து வருவதாக தகவல்கள் வெளியாகியுள்ளது. ஆனால், கனா காணும் காலங்கள் தொடரின் இந்த புதிய சீசன், விஜய் டிவியல் ஒளிபரப்பாகாது எனவும் வேறு சேனலில் ஒளிபரப்பாகும் எனவும் தகவல் தெரிவிக்கப்பட்டுள்ளது.