உடல்நலை குறித்த வதந்தி : அபர்ணா பாலமுரளி விளக்கம்

மலையாளத்தில் மகேஷிண்டே பிரதிகாரம் படத்தில் பஹத் பாசிலுக்கு ஜோடியாக அறிமுகமானவர் அபர்ணா பாலமுரளி. தமிழில் எட்டு தோட்டாக்கள், சர்வம் தாளமயம் உள்ளிட்ட படங்களில் நடித்தவர் கடந்தாண்டு வெளியான சூரரைப்போற்று படத்தில் சூர்யாவுக்கு ஜோடியாக நடித்திருந்தார். இந்தநிலையில் இவர் படப்பிடிப்பின்போது உடல்நிலை சரியில்லாமல் போனதாகவும், மருத்துவமனை சென்று சிகிச்சை பெற்றதாகவும் செய்திகள் வெளியாகின..

இதை மறுத்துள்ள அபர்ணா, “தயவுசெய்து இதுபோன்ற வதந்திகளை பரப்புவதை நிறுத்துங்கள்.. நான் நல்ல உடல்நலத்துடன் ஆரோக்கியமாக இருக்கிறேன். என் நண்பர்களும் உறவினர்களும் இதுபோன்ற செய்திகளால் அச்சப்பட வேண்டாம். சமீபத்தில் நான் எடுத்துக்கொண்ட சில புகைப்படங்களையும் இங்கே பகிர்ந்துள்ளேன்” என தனது சோஷியல் மீடியா பக்கத்தில் கூறியுள்ளார்.