ஹே சினாமிகா - காஜல் அகர்வால் அதிதி ராவ் பர்ஸ்ட் லுக் வெளியீடு

டான்ஸ் மாஸ்டர் பிருந்தா முதன் முறையாக இயக்கி உள்ள படம் ஹே சினாமிகா. துல்கர் சல்மான் நாயகனாக நடித்துள்ள இந்த படத்தில் காஜல் அகர்வால், அதிதி ராவ் ஆகியோர் நாயகிகளாக நடித்திருக்கிறார்கள். சில தினங்களுக்கு முன்பு துல்கர் சல்மானின் பர்ஸ்ட் லுக் போஸ்டரை வெளியிட்ட படக்குழு தற்போது காஜல் அகர்வால், அதிதியின் போஸ்டர்களையும் வெளியிட்டுள்ளனர்.

இதில் அதிதி ராவ் போஸ்டரை நடிகர் ஆர்யாவும், அவரது மனைவியை சாயிஷாவும் வெளியிட்டனர். காஜலின் போஸ்டரை ஜெயம் ரவியும் அவரது மனைவி ஆர்த்தியும் வெளியிட்டனர். இப்படத்தில் காஜல் அகர்வால் மலர்விழி என்ற வேடத்திலும், அதிதி ராவ் மவுனா என்ற வேடத்திலும் நடித்து உள்ளார்கள். இவர்களுடன் டைரக்டர் கே பாக்யராஜ், குஷ்பு, சுகாசினி ஆகியோரும் முக்கிய வேடங்களில் நடித்து உள்ளார்கள். திரைக்கதை மற்றும் பாடல்களை மதன் கார்க்கி எழுத, கோவிந்த் வசந்தா இசையமைத்துள்ளார் . இப்படம் அடுத்த ஆண்டு பிப்ரவரி மாதம் 25ஆம் தேதி திரைக்கு வருகிறது.