மும்பையில் போனி கபூரை நேரில் சந்தித்த அஜித்குமார்

நேர்கொண்ட பார்வை படத்தில் இணைந்து அஜித்குமார், எச்.வினோத், போனிகபூர் கூட்டணி வலிமை படத்திலும் இணைந்ததை அடுத்து மீண்டும் அஜித்தின் 61வது படத்திலும் இதே கூட்டணி இணையப் போகிறது. கொரோனா கட்டுப்பாடு காரணமாக பொங்கலுக்கு வெளியாக இருந்த வலிமை ரிலீஸ் தள்ளி வைக்கப்பட்டுள்ளது. என்றாலும் மீண்டும் அவர்கள் மூன்றாவது முறையாக இணையும் அஜித் 61வது படத்தின் வேலைகள் தற்போது தொடங்கப்பட்டுள்ளது.

இந்த நிலையில் மும்பை சென்று போனி கபூரை அவரது அலுவலகத்தில் சந்தித்திருக்கிறார் அஜித்குமார். அப்போது மீண்டும் அவர்கள் இணையும் மூன்றாவது படத்திற்கான ஒப்பந்தம் கையெழுத்தாகி இருக்கிறது. இதுகுறித்த புகைப்படத்தை சோசியல் மீடியாவில் பதிவிட்டுள்ளார் போனிகபூர். மேலும், அஜித் 61வது படத்தின் படபிடிப்பு மார்ச் மாதம் முதல் ஐதராபாத்தில் உள்ள ராமோஜிராவ் பிலிம் சிட்டியில் தொடங்க உள்ளது.