கடைசியாக நடித்த ஜேம்ஸ் : புனித் ராஜ்குமாரின் ராணுவ லுக் வெளியீடு

கன்னட முன்னணி நடிகரான புனித் ராஜ்குமார் மறைவுக்கு முன் வெளியான படம் யுவரத்னா. கடந்த ஆண்டு ஏப்ரல் மாதம் வெளியான இப்படத்தை சந்தோஷ் ஆனந்த்ராம் இயக்கியிருந்தார். படம் நல்ல வரவேற்பை பெற்றது.

புனித் ராஜ்குமார் கடைசியாக நடித்து முடித்துள்ள படம் ஜேம்ஸ். இதனை சேத்தன் குமார் இயக்கியுள்ளார். இப்படத்தில் புனித் ராஜ்குமார் ராணுவ வீரராக நடித்திருக்கிறார். குடியரசு தினத்தை முன்னிட்டு படத்தின் பர்ஸ்ட் லுக் போஸ்டரை வெளியிட்டுள்ளனர்.

அதில் புனித் கம்பீரமாக ராணுவ வீரராக நடந்து வரும் காட்சி இடம் பெற்றுள்ளது. இந்த படத்தை பார்த்து அவரது ரசிகர்கள் கண்ணீர் கசியும் பதிவுகளை வெளியிட்டு வருகிறார்கள். இப்படத்தில் புனித் ராஜ்குமாருக்கு ஜோடியாக ப்ரியா ஆனந்த் நடித்துள்ளார்.