நடிகரான இயக்குனர் ஜான் மகேந்திரன்

மறைந்த பிரபல இயக்குனர் மகேந்திரனின் மகன் ஜான் மகேந்திரன். இவர் விஜய் நடித்த சச்சின் என்ற படத்தை இயக்கியவர். அதன் பிறகு சேட்டை, காஸ்மோரா என சில படங்களுக்கு வசனம் எழுதினார். அடுத்தபடியாக அவருக்கு படம் இயக்குவதற்கு வாய்ப்புகள் கிடைக்காததால் தற்போது கேசினோ என்ற படத்தில் முக்கிய வேடத்தில் நடிப்பதற்கு ஒப்பந்தமாகியிருக்கிறார். புதுமுக இயக்குனர் மார்க் ஜோயல் இயக்கும் இப்படத்தில் வாணி போஜன், ரங்கராஜ் ஆகியோருடன் ஜான் மகேந்திரனும் ஒரு முக்கிய வேடத்தில் நடிக்கிறார். இதையடுத்து தொடர்ந்து படங்களில் நடிப்பதற்கு முடிவு செய்திருப்பதாகவும் அவர் ஒரு தகவல் வெளியிட்டு இருக்கிறார்.