விக்ரமின் மகான் டீசர் வெளியானது

கார்த்திக் சுப்பராஜ் இயக்கத்தில் விக்ரம், துரு விக்ரம் இணைந்து நடித்துள்ள படம் மகான், இந்த படம் பிப்ரவரி 10ஆம் தேதி அமேசான் பிரைம் வீடியோவில் வெளியாக உள்ளது. இந்த நிலையில் தற்போது மகான் படத்தின் டீசர் வெளியிடப்பட்டது. அதில் ஆடுகளம் நரேன் சிறுவனாக இருக்கும் தனது மகனை பார்த்து காந்தி மாதிரி ஒரு மகானாக வாழ்வியா? என்று திரும்ப திரும்ப கேட்பது போன்று டீஸர் ஆரம்பிக்கிறது. அந்த மகன் தான் பின்னர் விக்ரம் ஆக மாறுகிறார்.

இதையடுத்து தனது தந்தைக்கு கொடுத்த வாக்குறுதிப்படி காந்தி மகனாக விக்ரம் வாழ்ந்தாரா? இல்லை அதற்கு நேரெதிராக வாழ்ந்தாரா? என்பதையே இந்த இரண்டு நிமிட டீஸர் தெரிவிக்கிறது. முக்கியமாக இந்த டீஸரில் இதுவரை இல்லாத அளவுக்கு ஒரு இளமையான வித்தியாசமான கெட்டப்பில் தோன்றுகிறார் விக்ரம். அவர் சம்பந்தப்பட்ட காட்சிகளே டீசர் முழுக்க இருக்கும் நிலையில், முடிவில் ஒரே ஷாட்டில் மட்டும் துருவ் விக்ரம் தோன்றுகிறார். இப்படத்தில் விக்ரம், துருவ் விக்ரமுடன் இணைந்து வாணி போஜன், சிம்ரன், பாபி சிம்ஹா உள்ளிட்ட பலர் நடிக்க சந்தோஷ் நாராயணன் இசை அமைத்துள்ளார்.