ரஜினியாக மாறி ஸ்டைல் காட்டும் தோனி

இந்திய கிரிக்கெட் அணியின் முன்னாள் கேப்டன் தோனி தான் ஒரு தீவிரமான ரஜினி ரசிகர் என்பதை வாய்ப்பு கிடைக்கும்போதெல்லாம் பதிவு செய்ய தவறுவதில்லை.. குறிப்பாக ஐபிஎல் சீசன் சமயத்தில் எல்லாம் ரஜினி பற்றிய விஷயங்களை ஏதோ ஒருவகையில் ஞாபகப்படுத்தும் விதமாக வீடியோ வெளியிடுவார்.. காலா வெளியான சமயத்தில் அந்தப்படத்தில் ரஜினி பேசிய கியாரே செட்டிங்கா என்கிற வசனத்தை பேசி அதிரவிட்டார் தோனி.

இதோ இப்போது ஐபிஎல் விளம்பரத்திற்காக எடுக்கப்பட்ட வீடியோ ஒன்றில் பாட்ஷா ரஜினிகாந்த்தின் ஆட்டோ டிரைவர் கெட்டப்பில் காட்சியளிக்கிறார் தோனி.. ஒரு பேருந்தை ஸ்டார்ட் செய்வது போலவும், ரஜினியை போல கூலிங்கிளாஸை சுழற்றுவதுமாகவும் ஸ்டைல் காட்டியுள்ளார் தோனி. அதேசமயம் அவரது ஹேர்ஸ்டைலும் மீசையும் சிவாஜி பட ரஜினியை ஞாபகப்படுத்துவதாக இருக்கிறது என்கிறார்கள் ரஜினி ரசிகர்கள் பலரும்.