அருண்ராஜா காமராஜ் இயக்கத்தில் நடிக்கும் கார்த்தி?

நடிகர் கார்த்தி தற்போது மணிரத்னம் இயக்கத்தில் பொன்னியின் செல்வன் மற்றும் முத்தையா இயக்கத்தில் விருமன் ஆகிய படங்களில் நடித்து முடித்துள்ளார். மேலும் இயக்குனர் ராஜூமுருகன் இயக்கத்தில் ஒரு புதிய படமும் , பிஎஸ் மித்ரன் இயக்கத்தில் உருவாகி வரும் சர்தார் படத்திலும் நடித்து வருகிறார்.

இந்த படங்களுக்கு பிறகு இயக்குனர் அருண்ராஜா காமராஜ் இயக்கத்தில் புதிய படத்திற்காக கூட்டணி அமைக்க இருப்பதாக தகவல் வெளியாகியுள்ளது. இந்த படத்தை பிரின்ஸ் பிக்சர்ஸ் நிறுவும் தயாரிக்க இருப்பதாக கூறப்படுகிறது. படம் குறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது. அருண்ராஜா காமராஜ் தற்போது உதயநிதி நடிப்பில் நெஞ்சுக்கு நீதி படத்தை இயக்கி முடித்துள்ளார். அந்தப் படம் விரைவில் ரிலீஸ் ஆக இருக்கிறது.