சீதா ராமம் படத்தில் 60களின் காதல்

தெலுங்கு இயக்குனர் ஹனு ராகவபுடி இயக்கும் படம் சீதா ராமம். இப்படத்தில் துல்கர் சல்மான் மற்றும் மிருணால் தாக்கூர் ஆகியோர் ராமனாகவும் சீதையாக நடிக்கின்றனர். ஸ்வப்னா சினிமா நிறுவனத்தின் சார்பில் அஸ்வினி தத் மற்றும் பிரியங்கா தத் தயாரிக்கிறார்கள்.

ராஷ்மிகா மந்தனா அப்ரீனா என்கிற காஷ்மீர் முஸ்லிம் பெண்ணாக நடிக்கிறார். தமிழ், தெலுங்கு, மலையாளம் ஆகிய மொழிகளில் ஒரே நேரத்தில் உருவாகும் இப்படத்துக்கு பிஎஸ் வினோத் ஒளிப்பதிவு செய்கிறார்.

விஷால் சந்திரசேகர் இசை அமைப்பில் உருவாகி உள்ள முதல் சிங்கிள் தற்போது வெளியாகி உள்ளது. கார்க்கி பாடலை எழுதியுள்ளார். எஸ்.பி.பி.சரண் தந்தையின் குரலில் பாடியுள்ளார். அவருடன் ரம்யா பெஹாரா பாடி உள்ளார்.

இந்த படம் 60களின் பின்னணியில் நடந்த காதல் கதையாக உருவாகி உள்ளது. போரூற்றி வளர்த்த காதல் கதை என்பதுதான் படத்தின் டேக் லைன்.