குறும்படத்தில் நடித்த எஸ்.ஏ.சந்திரசேகர்

விஜய்யின் தந்தையும், தமிழ் சினிமாவில் 60 படங்களுக்கு மேல் இயக்கியவருமான எஸ்.ஏ.சந்திரசேகர் அவ்வப்போது படங்களிலும் நடித்து வருகிறார். டிராபிக் ராமசாமி படத்தில் கதையின் நாயகனாக நடித்தார். கடைசியாக மாநாடு படத்தில் முதல் அமைச்சராக நடித்தார். இந்த நிலையில் தற்போது குறும்படம் ஒன்றில் நடித்துள்ளார். அகிம்சை வெல்லும் என்ற இந்த குறும்படத்தை மதன் இயக்கி உள்ளார். இதில் எஸ்.ஏ.சந்திரசேகர் தாதாவாக நடித்துள்ளார். அவரால் அண்ணனை இழந்த தம்பி ஒருவர் தனது நண்பன் ஒருவனுடன் எஸ்.ஏ.சந்திரசேகரை போட்டுத்தள்ள வருகிறார். இரண்டு இளைஞர்களின் கோபத்துக்கு முன்னால் நிற்கும் அவர் அவர்களை எப்படி சமாளித்து தப்பிக்கிறார். என்பதுதான் கதை.