ஹீரோவானர் ஹரி

மெட்ராஸ் படத்தில் நடித்து புகழ்பெற்றவர் ஹரி கிருஷ்ணன் . அதன் பிறகும் பல படங்களில் நடித்த அவர் தற்போது பெயரிடப்படாத படம் ஒன்றில் ஹீரோவாக நடிக்கிறார். அவருக்கு ஜோடியாக டூலெட், மண்டேலா படங்களில் நடித்த ஷீலா ராஜ்குமார் நடிக்கிறார். மஞ்சள் சினிமா சார்பில் கோல்டன் சுரேஷ், விஜயலட்சுமி தயாரிக்கிறார்கள், அறிமுக இயக்குனர் ஜஸ்டின் பிரபு இயக்குகிறார். ஏ.குமரன் ஒளிப்பதிவு செய்கிறார்.

பெயரிடப்படாத இப்படம் நடுத்தரக் குடும்பங்களின் அன்றாட வாழ்க்கையைச் சுற்றியுள்ள யதார்த்தமான கதையைக் கொண்டிருக்கிறது. இது நிச்சயமாக ஒரு தனித்துவமான ஒன்றாக இருக்கும். இப்படத்தின் முழு படப்பிடிப்பும் கிருஷ்ணகிரி மற்றும் அதன் சுற்றுவட்டாரப் பகுதிகளில் நடைபெறவுள்ள து என்கிறார் ஜஸ்டின் பிரபு.