தமிழில் வெளியாகும் காந்தாரா

கன்னட மொழியில் உருவாகிய ஆக்ஷன் த்ரில்லர் திரைப்படமான காந்தாரா செப்டம்பர் 30ம் தேதி வெளியானது. கேஜிஎஃப் படத்தை தயாரித்த ஹொம்பாலே பிலிம்ஸ் தயாரிப்பில், ரிஷப் ஷெட்டி எழுதி, இயக்கி, நடித்துள்ள இந்தப் படம் கர்நாடகாவில் மிகப்பெரிய வெற்றி பெற்றுள்ளது. இந்த படத்தை மலையாளத்தில் ரீமேக் செய்யப்பபோவதாக பிருத்விராஜ் அறிவித்திருக்கிறார்.

இந்த படத்தில் கிஷோர், மூத்த கன்னட நடிகர் அச்யுத் குமார் பிரமோத் ஷெட்டி மற்றும் சப்தமி கவுடா ஆகியோர் முக்கிய கதாபாத்திரங்களில் நடித்துள்ளனர். அஜனீஷ் லோக்நாத் இசை அமைத்துள்ளார். இந்த படத்தை தமிழில் டப் செய்து வெளியிட தயாரிப்பு தரப்பு முடிவு செய்திருக்கிறது. இதற்கான அறிவிப்பை தயாரிப்பு நிறுவனம் வெளியிட்டிருக்கிறது. வருகிற 14ம் தேதி வெளியாகலாம் என்று தெரிகிறது.