ஹாலிவுட் படத்தில் ஸ்ருதிஹாசன்

தனுஷ் நடித்த ‛தி கிரேமேன்' என்ற ஹாலிவுட் படம் சமீபத்தில் வெளியானது. இந்த நிலையில் தற்போது நடிகை ஸ்ருதிஹாசனும் தான் ஒரு ஹாலிவுட் படத்தின் நடித்து வருவதாக ஒரு தகவல் வெளியிட்டிருக்கிறார். முன்னணி ஹாலிவுட் நடிகர் மார்க் ரவுலே நடிக்கும் இப்படத்தில் ஸ்ருதிஹாசனும் ஒரு முக்கியத்துவம் வாய்ந்த வேடத்தில் நடிக்கிறார். திரில்லர் கதையில் உருவாகும் இந்த படத்திற்கு தி ஐ என்று டைட்டில் வைக்கப்பட்டுள்ளது. இந்த படம் தனக்கு மிகவும் ஸ்பெஷலான படம் இப்படத்தில் நடிப்பது மகிழ்ச்சியாக உள்ளது என்று தெரிவித்திருக்கும் ஸ்ருதிஹாசன், தற்போது இப்படத்தின் படப்பிடிப்பிற்காக கிரீஸ் நாட்டில் இருப்பதாகவும் தெரிவித்திருக்கிறார். இதுதவிர, தெலுங்கில் பிரபாஸ் உடன் சலார் மற்றும் சிரஞ்சீவி, பாலகிருஷ்ணா ஆகியோர் படங்களிலும் ஸ்ருதிஹாசன் நடித்து வருகிறார் என்பது குறிப்பிடத்தக்கது.