மீண்டும் ஹிந்தியில் நடிக்கும் ஐஸ்வர்யா ராஜேஷ்

எண்டேமால் ஷைன் இந்தியா எனும் நிறுவனம், நட்மெக் புரொடக்ஷன்ஸ் எனும் நிறுவனத்துடன் இணைந்து தமிழ் மற்றும் ஹிந்தி என இரண்டு மொழிகளில் தயாரிக்கும் படம் 'மாணிக்'. இதில் ஐஸ்வர்யா ராஜேஷ் கதையின் நாயகியாக நடிக்கிறார். இது தொடர்பான அதிகாரபூர்வ அறிவிப்பை இரண்டு நிறுவனங்களும் இணைந்து வெளியிட்டிருக்கிறது.

ஹிந்தியில் வெளியான 'லுடோக், 'ஜக்கா ஜாசூஸ்க் மற்றும் 'சத்ரசல்க் ஆகிய படங்களின் கதாசிரியரான சாம்ராட் சக்கரவர்த்தி, இந்த படத்தின் மூலம் இயக்குநராக அறிமுகமாகிறார். இந்தப் படத்தில் ஐஸ்வர்யா ராஜேசுடன் சம்யுக்தா சண்முகநாதன், விவேக் பிரசன்னா, குழந்தை நட்சத்திரங்கள் சாய் ஜனனி மற்றும் ஸ்வர் காம்ப்ளே உள்ளிட்ட பலர் நடிக்கிறார்கள். இது சைக்காலஜிக்கல் த்ரில்லர் படமாக உருவாகிறது.

இந்த படத்தின் படப்பிடிப்பு இம்மாத இறுதியில் நைனிடாலில் தொடங்குகிறது. அடுத்த ஆண்டு வெளியிட திட்டமிடப்பட்டிருக்கிறது. ஐஸ்வர்யா ராஜேஷ் 2017ம் ஆண்டு டாடி என்ற ஹிந்தி படத்தில் நடித்திருந்தார். 5 ஆண்டுகளுக்கு பிறகு தற்போது இந்த படத்தில் நடிக்கிறார்.