அது உண்மையல்ல - போனி கபூர் பதிவு
ADDED : 1018 days ago
ஜெயம் ரவி நடித்த கோமாளி படத்தில் இயக்குனராக அறிமுகமானவர் பிரதீப் ரங்கநாதன். அதையடுத்து லவ் டுடே என்ற படத்தை இயக்கி தானே ஹீரோவாகவும் நடித்தார். ஏழு கோடி பட்ஜெட்டில் உருவான இந்த படம் தமிழ், தெலுங்கு என இரண்டு மொழிகளில் வெளியாகி கிட்டத்தட்ட ரூ.75 கோடி ரூபாய் வசூல் செய்திருப்பதாக தகவல்கள் வெளியாகி உள்ளன. இப்படத்தில் பிரதீப் ரங்கநாதனுடன் இணைந்து சத்யராஜ், இவானா, ராதிகா, யோகி பாபு ஆகியோரும் முக்கிய வேடங்களில் நடித்திருந்தார்கள்.
லவ் டுடே படத்தின் ஹிந்தி ரீமேக் உரிமையை போனி கபூர் வாங்கி இருப்பதாகவும், அதில் வருண் தவான் நாயகனாக நடிக்க, பிரதீப்பே இயக்க இருப்பதாகவும் தகவல் வெளியானது. ஆனால் இதை மறுத்துள்ளார் போனி கபூர்.
அவர் வெளியிட்ட பதிவு : 'லவ் டுடே' படத்தின் ஹிந்தி ரீமேக் உரிமையை நான் வாங்கியதாக வெளியான தகவல் உண்மைக்கு புறம்பானது. இதை யாரும் நம்ப வேண்டாம் என்றார்.