வாரிசு படத்தின் புரொடக்சன் டிசைனர் சுனில் பாபு மாரடைப்பால் மரணம்!

வம்சி இயக்கத்தில் விஜய் நடித்துள்ள 66வது படம் வாரிசு. தில்ராஜூ தயாரித்து உள்ள இந்த படம் 80 கோடி பட்ஜெட்டில் உருவாகி இருப்பதாக கூறப்படுகிறது. இந்த படத்தில் விஜய்யுடன் ராஷ்மிகா மந்தனா, சரத்குமார், பிரகாஷ்ராஜ் உட்பட பலர் முக்கிய வேடங்களில் நடித்திருக்கிறார்கள். தமன் இசை அமைத்திருக்கிறார். இப்படத்தின் பாடல்கள் மற்றும் டிரைலர் வெளியாகி ரசிகர்கள் மத்தியில் வைரலாகிவரும் நிலையில் வருகிற 11ம் தேதி வாரிசு படம் திரைக்கு வருகிறது.

இந்த நிலையில் தற்போது வாரிசு படத்தில் புரொடக்சன் டிசைனராக பணியாற்றியுள்ள சுனில் பாபு இன்று மாரடைப்பால் மரணம் அடைந்துள்ளதாக அவரது சோசியல் மீடியாவில் ஒரு சோகமான தகவல் வெளியிடப்பட்டுள்ளது. 50 வயதாகும் சுனில் பாபு, தமிழ், தெலுங்கு, மலையாளம், ஹிந்தி என பல மொழிப் படங்களிலும் பணியாற்றி இருக்கிறார்.