விஜய்யின் 67 வது பட பூஜை: வீடியோ வெளியானது

விஜய் நடித்த வாரிசு படம் பொங்கல் பண்டிகை படமாக தமிழ், தெலுங்கில் வெளியானது. மாறுபட்ட விமர்சனங்கள் வந்தபோதும் படம் நல்ல வசூலை கொடுத்ததாக படத் தயாரிப்பு நிறுவனமே அறிவித்தது. இந்த நிலையில் விஜய்யின் அடுத்த படத்தின் படப்பிடிப்பு கடந்த ஒரு மாதத்திற்கு முன்பே தொடங்கிவிட்டது. தற்போது இரண்டாம்கட்ட படப்பிடிப்பு காஷ்மீரில் தொடங்கி உள்ளது.

இந்த நிலையில் இந்த படத்தின் பூஜை மற்றும் தொடக்க விழா வீடியோவை தயாரிப்பு தரப்பு தற்போது வெளியிட்டுள்ளது. இது சென்னையில் படப்பிடிப்பு நடக்கும் முன் நடந்தது. அதனை தற்போதுதான் வெளியிட்டு உள்ளனர்.

இந்த படத்தை செவன் ஸ்கிரீன் ஸ்டூடியோஸ் சார்பில் லலித் குமார் தயாரிக்கிறார். லோகேஷ் கனகராஜ் இயக்குகிறார். அனிருத் இசையமைக்க உள்ளார். ஒளிப்பதிவாளராக மனோஜ் பரமஹம்சா பணியாற்றுகிறார். அர்ஜுன், பாலிவுட் நடிகர் சஞ்சய் தத், திரிஷா, பிரியா ஆனந்த், மன்சூர் அலிகான், இயக்குனர் மிஷ்கின், இயக்குனர் கவுதம் வாசுதேவ் மேனன், டான்ஸ் மாஸ்டர் சாண்டி, மலையாள நடிகர் மேத்யூ தாமஸ் ஆகியோர் நடிக்கிறார்கள்.