தனுஷ் உடன் இணையும் உறியடி இயக்குனர்
ADDED : 1362 days ago
தனுஷ் நடிப்பில் கடந்த வாரம் வெளிவந்த வாத்தி திரைப்படம் தமிழ், தெலுங்கு என இரு மொழிகளிலும் நல்ல வரவேற்பு பெற்று திரையரங்குகளில் வெற்றி நடைபோடுகிறது. தற்போது இயக்குனர் அருண் மாதேஸ்வரன் இயக்கத்தில் கேப்டன் மில்லர் படத்தில் தனுஷ் நடித்து வருகிறார். பிரியங்கா மோகன் நாயகியாக நடிக்க முக்கிய வேடங்களில் சந்தீப் கிஷான், சிவராஜ் குமார் , நிவேதா சதிஷ் ஆகியோர் நடித்து வருகிறார்கள். ஜி.வி. பிரகாஷ் குமார் இசை அமைக்கிறார். இந்நிலையில் உறியடி படத்தின் மூலம் பிரபலமான நடிகரும், இயக்குனருமான விஜய் குமார், கேப்டன் மில்லர் படத்தில் ஒரு முக்கிய கதாபாத்திரத்தில் நடிக்கிறார் என தகவல் வெளியாகியுள்ளது . இது குறித்த அதிகாரபூர்வ அறிவிப்பு விரைவில் வெளியாகும் என எதிர்பார்க்கப்படுகிறது.