சூரியின் அடுத்த பட அப்டேட்

நடிகர் சூரி பல முன்னணி நட்சத்திரங்களின் படங்களில் காமெடி நடிகராக நடித்துள்ளார். இப்போது இயக்குனர் வெற்றி மாறனின் விடுதலை படத்தில் கதாநாயகனாக நடித்து, கடந்தவாரம் இப்படம் வெளியாகி சூரிக்கு பாராட்டுகளை பெற்று தந்துள்ளது. தொடர்ந்து இந்த படத்தின் இரண்டாம் பாகமும் இரண்டு, மூன்று மாதங்களில் வெளியாக உள்ளது.

இந்நிலையில் தொடர்ந்து அவருக்கு ஹீரோ பட வாய்ப்புகள் வந்த வண்ணம் உள்ளது. தற்போது இரண்டு படங்களில் ஹீரோவாக நடிக்க உள்ளார். இதையடுத்து மதயானைக் கூட்டம் திரைப்படத்தின் இயக்குனர் சுகுமார் இயக்கத்தில் சூரி ஹீரோவாக நடிக்கவுள்ளார். சுகுமார் தற்போது இயக்கியுள்ள இராவண கோட்டம் பட வெளியீட்டிற்கு பிறகே சூரி நடிக்கும் படத்தின் படப்பிடிப்பு தொடங்கவுள்ளது.

இந்த படத்தை டிஸ்னி ஹாட் ஸ்டார் நிறுவனம் தயாரிக்கிறது. நேரடியாக ஓடிடியில் இந்தப்படம் வெளியாகிறது. இது குறித்து அதிகாரப்பூர்வ அறிவிப்பு விரைவில் வெளியாகும் என கூறப்படுகிறது.