ரஜினிகாந்த் - கமல்ஹாசன் - லோகேஷ் கனகராஜ் புதிய கூட்டணி?

நடிகர் ரஜினிகாந்த் இப்போது நெல்சன் திலீப்குமார் இயக்கத்தில் தயாராகி வரும் ஜெயிலர் படத்தில் நடித்து வருகிறார். இதையடுத்து அவரின் மூத்த மகள் ஜஸ்வர்யா ரஜினிகாந்த் இயக்கத்தில் லால் சலாம் படத்தில் சிறப்பு தோற்றத்தில் நடிக்கவுள்ளார். அதன் பின்னர் ரஜினிகாந்த் 170வது படத்தை இயக்குனர் தா.செ.ஞானவேல் இயக்குகிறார். விரைவில் அந்த படத்தின் படப்பிடிப்பும் தொடங்க உள்ளது .

இந்நிலையில் சில நாட்களுக்கு முன்பு ரஜினிகாந்தை இயக்குனர் லோகேஷ் கனகராஜ் சந்தித்துள்ளார். ரஜினியின் 171வது படத்தை இயக்குமாறு லோகேஷ் உடன் பேச்சுவார்த்தை நடைபெற்றதாக கூறப்படுகிறது. இந்த படத்தை நடிகர் கமல்ஹாசனின் ராஜ் கமல் நிறுவனம் தயாரிக்க உள்ளதாகவும், அனிரூத் இசையமைக்க இருப்பதாகவும் தகவல் வெளியாகியுள்ளது.