ஹிருத்திக் ரோஷன் உடன் இணையும் ஜூனியர் என்டிஆர்

நடிகர் ஹிருத்திக் ரோஷன் பாலிவுட்டில் முன்னணி நடிகர்களில் ஒருவர். இவரது நடிப்பில் கடந்த 2019 ஆண்டு வெளியான வார் படத்தின் வெற்றியை தொடர்ந்து தற்போது அந்த படத்தின் இரண்டாம் பாகத்தின் பணிகள் நடைபெற்று வருகின்றன. இந்த படத்தை யாஷ் ராஜ் பிலிம்ஸ் நிறுவனம் தயாரிக்கிறது. இயக்குனர் அயன் முகர்ஜி இயக்குகிறார். இந்த படத்தின் வில்லன் கதாபாத்திரத்தில் தெலுங்கு நடிகர் ஜூனியர் என்டிஆரை நடிக்க வைக்க பேசி வருகின்றனர். இதற்காக ஜூனியர் என்டிஆருக்கு அதிக சம்பளம் பேசபட்டுள்ளதாக கூறப்படுகிறது. விரைவில் இது குறித்து அறிவிப்பு வெளியாகும் என எதிர்பார்க்கப்படுகிறது.