இளம் நடிகைக்கு ஜோடியாக நாகார்ஜூனா... விமர்சிக்கும் நெட்டிசன்கள்

தெலுங்கு சினிமாவில் முன்னணி ஹீரோக்களில் ஒருவர் நடிகர் நாகார்ஜூனா. இவர் தமிழ், இந்தி ஆகிய மொழிகளில் படங்களில் நடித்துள்ளார். இவரின் மகன்கள் நாகசைதன்யா, அகில் இருவரும் தெலுங்கில் வளர்ந்து வரும் முன்னணி நடிகர்களாக உள்ளனர். இவரது மனைவி அமலாவும் குணசித்திர வேடங்களில் நடித்து வருகிறார்.

நாகார்ஜூனா இப்போது இயக்குனர் பிரசன்ன குமார் இயக்கத்தில் உருவாக இருக்கும் படத்தில் கதாநாயகனாக நடிக்கிறார். இந்நிலையில் 63 வயதை கடந்த நாகார்ஜூனாவிற்கு ஜோடியாக இந்த படத்தில் 26 வயது இளம் கதாநாயகியான மானசா நடிக்கிறார். அவரை விட 37 வயது குறைந்த நடிகையுடன் நாகார்ஜூனா ஜோடி சேர்வதை சமூக வலைத்தளதில் நெட்டிசன்கள் விமர்சித்தும், கேலியும் செய்து பதிவுகள் பகிர்ந்து வருகிறார்கள்.