பாக்கியலெட்சுமி தொடரை விட்டு வெளியேறிய கோபி
ADDED : 905 days ago
விஜய் டிவியில் ஒளிபரப்பாகி வரும் பாக்கியலெட்சுமி தொடரில் கோபி என்ற கதாபாத்திரத்தில் சதீஷ் நடித்து வந்தார். இரண்டு மனைவிகளுக்கிடையே மாட்டிக்கொண்டு அல்லல்படும் நபராக கோபி கதாபாத்திரம் வடிவமைக்கப்பட்டிருக்கிறது. கோபி கதாபாத்திரத்தை வைத்தே பல மீம்ஸ்களும் டிரெண்டானது. அந்த அளவிற்கு புகழ் பெற்ற கதாபாத்திரத்தில் நடித்து வந்த சதீஷுக்கு பல தரப்பிலும் ரசிகர்கள் உள்ளனர். அண்மையில் ரஞ்சித் புது ஹீரோவாக என்ட்ரி கொடுக்க தனது போர்ஷன் குறைக்கப்படலாம் என சதீஷ் வருத்தத்துடன் கூறியிருந்தார்.
இந்நிலையில், பாக்கியலெட்சுமி தொடரிலிருந்து நிரந்தரமாக விலகுவதாக வீடியோ வெளியிட்டுள்ளார். தனிப்பட்ட காரணங்களுக்காக சீரியலை விட்டு விலகுவதாக கூறிய அவர், நான் நடித்த எபிசோடுகள் 10,15 நாட்கள் மட்டுமே ஒளிபரப்பாகும். எனக்கு வாய்ப்பு கொடுத்த விஜய் டிவிக்கும், ரசிகர்களுக்கும் நன்றி என சோகத்துடன் வீடியோ வெளியிட்டுள்ளார். சதீஷின் இந்த திடீர் முடிவால் அவரது ரசிகர்கள் சோகத்தில் ஆழ்ந்துள்ளனர்.