சூர்யாவின் ‛கங்குவா' படத்திற்காக பிரம்மாண்ட செட்

சிறுத்தை சிவா இயக்கத்தில் சூர்யா நடித்து வரும் படம் கங்குவா. இந்த படத்தில் சூர்யாவுக்கு ஜோடியாக திஷா பதானி நடிக்க, தேவி ஸ்ரீ பிரசாத் இசையமைக்கிறார். பத்துக்கு மேற்பட்ட கெட்டப்புகளில் சூர்யா நடித்து வரும் இந்த கங்குவா படத்தின் படப்பிடிப்பு கொடைக்கானலில் தொடர்ந்து நடைபெற்று வந்த நிலையில், விரைவில் சென்னையில் அடுத்தக்கட்ட படப்பிடிப்பு நடைபெறவுள்ளது. இதற்காக சில மாதங்களாக பிரம்மாண்டமான செட் அமைக்கும் பணிகள் நடைபெற்று வந்த நிலையில் தற்போது அந்த பணிகள் முடிவடைந்து விட்டது. அதனால் விரைவில் இந்த பிரம்மாண்ட செட்டில் கங்குவா படத்தின் முக்கியத்துவம் வாய்ந்த காட்சிகள் படமாக உள்ளது.