ஒசாகா சர்வதேச திரைப்பட விழாவில் விஜய்க்கு விருது

ஜப்பானின் ஒசாகா தமிழ் சர்வதேச திரைப்பட விழாவில் கடந்த 2021 ஆம் ஆண்டின் சிறந்த நடிகருக்கான விருது விஜய்க்கு வழங்க இருப்பதாக அறிவிக்கப்பட்டுள்ளது. 2021 ஆம் ஆண்டில் லோகேஷ் கனகராஜ் இயக்கத்தில் விஜய் நடித்து வெளியான படம் மாஸ்டர். இந்த படத்தில் சிறப்பாக நடித்தமைக்காக விஜய்க்கு சிறந்த நடிகருக்கான விருது வழங்கப்பட உள்ளது. அதேபோல், ஏ.எல். விஜய் இயக்கிய தலைவி படத்தில் நடித்த பாலிவுட் நடிகை கங்கணா ரணாவத், சார்பட்டா பரம்பரை பட இயக்குனர் பா.ரஞ்சித், மாநாடு படத்தின் இயக்குனர் வெங்கட்பிரபு, அப்படத்தின் இசை அமைப்பாளர் யுவன் சங்கர் ராஜா, ஜெய் பீம் படத்தில் நடித்த மணிகண்டனுக்கு துணை நடிகருக்கான விருதும் வழங்கப்பட இருக்கிறது.