அனுஷ்காவின் 'மிஸ் ஷெட்டி மிஸ்டர் பொலி ஷெட்டி' ஆகஸ்ட் 4ல் ரிலீஸ்!

பாகுபலி படத்தின் இரண்டு பாகங்களிலும் நாயகியாக நடித்திருந்த அனுஷ்கா, அதன்பிறகு 2020ம் ஆண்டில் சைலன்ஸ் என்ற படத்தில் நடித்தார். அதையடுத்து மூன்று ஆண்டுகளுக்குப் பிறகு தற்போது 'மிஸ் ஷெட்டி மிஸ்டர் பொலிஷெட்டி' என்ற படத்தில் நடித்து வருகிறார். சமையல் கலை வல்லுனராக அனுஷ்கா நடித்துள்ள இந்த படம் தமிழ், தெலுங்கு என இரண்டு மொழிகளிலும் தயாராகி இருக்கிறது. இப்படத்தின் படப்பிடிப்பு சமீபத்தில் முடிந்த நிலையில் தற்போது இறுதி கட்டப் பணிகள் விறுவிறுப்பாக நடைபெற்று வருகிறது.

இந்த நிலையில் இன்று இந்த மிஸ் ஷெட்டி மிஸ்டர் பொலி ஷெட்டி படம் வருகிற ஆகஸ்ட் மாதம் நான்காம் தேதி திரைக்கு வர இருப்பதாக அதிகாரப்பூர்வ அறிவிப்பு வெளியிட்டுள்ளார்கள். அதோடு தமிழ், தெலுங்கில் தயாராகி உள்ள இந்த படத்தை கன்னடம், மலையாளம் போன்ற மொழிகளிலும் டப் செய்து வெளியிட திட்டமிட்டுள்ளார்கள்.