ரஜினி, விஜய் படங்களை அதிகம் பார்த்த ஷாரூக்கான்

அட்லி இயக்கத்தில், ஷாரூக்கான் கதாநாயகனாக நடிக்கும் படம் 'ஜவான்'. இப்படத்தின் டிரைலர் சமீபத்தில் வெளியாகியது. டிரைலருக்குக் கிடைத்துள்ள வரவேற்பு காரணமாக டுவிட்டர் தளத்தில் ரசிகர்களுடன் 'சாட்' செய்தார் ஷாரூக்கான்.

அப்போது ஒரு ரசிகர், “ஜவான்' படத்தில் நடிப்பதற்காக உங்களை தயார்படுத்திக் கொள்ள நிறைய படங்களைப் பார்த்தீர்களா,” எனக் கேட்டிருந்தார். அதற்கு ஷாரூக்கான், “அப்படிப்பட்ட ஒரு உலகத்தை உருவாக்கியதில் அவர்களது உணர்வுகளின் மொழியை புரிந்து கொள்ள நான் நிறைய அட்லீ படங்களையும், விஜய் சார், அல்லு அர்ஜுன் ஜி, ரஜினி சார், யஷ் மற்றும் மற்ற நடிகர்களின் படங்களையும் பார்த்தேன். மேலும், எனது சொந்த கதாபாத்திரத்தையும் கொஞ்சம் சேர்த்துக் கொண்டேன்,” என பதிலளித்துள்ளார்.

செப்டம்பர் 7ம் தேதி இப்படம் ஹிந்தி, தமிழ், தெலுங்கு ஆகிய மொழிகளில் வெளியாக உள்ளது.