ஸ்கந்தா படத்தின் முதல்பாடல் ரிலீஸ் தேதி அறிவிப்பு

போயபட்டி சீனு இயக்கத்தில் ராம் பொத்தினேனி நடிப்பில் உருவாகி வரும் படம் 'ஸ்கந்தா'. இந்த படத்திற்கு போயபட்டி ரெப்போ என்ற தற்காலிக தலைப்பு வைத்து படப்பிடிப்பு நடத்தி வந்தனர். இதில் கதாநாயகியாக ஸ்ரீ லீலா நடிக்கிறார். ஸ்ரீனிவாசா சில்வர் ஸ்கிரீன் நிறுவனம் தயாரிக்கும் இப்படத்திற்கு எஸ்.எஸ்.தமன் இசையமைக்கிறார். ஏற்கனவே இந்த படத்திலிருந்து டீசர், க்ளிம்ஸ் வீடியோ வெளியாகி ரசிகர்களை சரியான ஆக்ஷன் விருந்துக்கு தயார் செய்து வைத்துள்ளனர். இப்படம் வருகின்ற செப்டம்பர் 15ம் தேதி அன்று தெலுங்கு, தமிழ், ஹிந்தி, மலையாளம், கன்னடம் ஆகிய மொழிகளில் வெளியாகிறது.

இந்த படத்தில் இருந்து முதல் பாடல் குறித்து அறிவிப்பு வெளியாகியுள்ளது. அதன்படி, இந்த படத்தின் முதல் பாடலை தமிழில் ( உன்ன சுத்தி சுத்தி) தெலுங்கில் ( நீ சுட்டு சுட்டு) இது அல்லாமல் மலையாளம், கன்னடம், ஹிந்தி ஆகிய மொழிகளில் வருகின்ற ஆகஸ்ட் 3ம் தேதி காலை 9.36 மணிக்கு வெளியிடுவதாக அறிவித்துள்ளனர்.