மீண்டும் இயக்குனர் அவதாரம் எடுக்கும் கதிர்
ADDED : 811 days ago
இதயம், உழவன், காதலர் தினம், காதல் தேசம், காதல் வைரஸ் ஆகிய படங்களை இயக்கியவர் கதிர். கடைசியாக கடந்த 2015ல் இவர் இயக்கத்தில் கன்னடத்தில் வெளிவந்த படம் நான் லவ் ட்ராக் . அதன் பிறகு ஸ்ரீ காந்த், ஷாம் போன்ற நடிகர்களை வைத்து படங்களை தொடங்கினார் ஆனால் ஒரு சில காரணங்களால் அந்த படங்கள் கைவிடப்பட்டது. மேலும், இவரிடம் மிஷ்கின், வெற்றிமாறன் ஆகியோர் உதவி இயக்குனராக பணியாற்றினர் என்பது குறிப்பிடத்தக்கது.
இந்த நிலையில் பல வருடங்களுக்கு கழித்து தமிழில் ஒரு படத்தை தயாரித்து இயக்குகிறார் கதிர். முதல் முறையாக இந்த படத்தில் ஹீரோவாகவும் கதிர் நடிக்கிறார். முக்கிய கதாபாத்திரத்தில் லவ் டுடே இவானா நடிப்பதாக தகவல்கள் வெளியாகியுள்ளது.