‛லியோ' - அர்ஜூனின் கேரக்டர் வீடியோ உடன் வெளியீடு
ADDED : 818 days ago
லோகேஷ் கனகராஜ் இயக்கத்தில் விஜய் நடித்துள்ள படம் ‛லியோ'. அவருடன் சஞ்சய் தத், அர்ஜூன், திரிஷா, கவுதம் மேனன், பிரியா ஆனந்த், மன்சூர் அலிகான் உள்ளிட்ட ஏகப்பட்ட நட்சத்திரங்கள் நடித்துள்ளனர். படப்பிடிப்பு முடிந்து இறுதிக்கட்ட பணிகள் நடக்கின்றன. லோகேஷின் வழக்கமான அதிரடி ஆக் ஷன் படமாக அதன் உடன் போதை தொடர்பான கதைகளத்தில் இந்த படம் உருவாகி வருகிறது.
விஜய், சஞ்சய் தத் ஆகியோரின் பிறந்தநாளின் போது அவர்களின் கேரக்டர் போஸ்டர், வீடியோ வெளியிடப்பட்டது. அதேப்போன்று நடிகர் அஜர்ஜூனுக்கு இன்று (ஆக 15) பிறந்தநாள் என்பதால் அவரின் கேரக்டரை வீடியோ உடன் வெளியிட்டுள்ளனர். இதில் ஹரால்டு தாஸ் என்ற வில்லன் கேரக்டரில் அர்ஜூன் நடித்திருப்பது தெரிகிறது. இதுதொடர்பாக வெளியிடப்பட்ட வீடியோவில் காரில் இருந்து இறங்கி வரும் அர்ஜூன் ஒருவரின் கையை வெட்டுகிறார். முகத்தில் இரத்தம் தெறிக்க, கன்னத்தில் சிறு தழும்புடன் வாயில் புகைத்தபடி ‛தெறிக்க' என பேசி உள்ளார் அர்ஜூன்.