சமாஜ்வாதி கட்சித் தலைவர் அகிலேஷ் உடன் ரஜினிகாந்த் சந்திப்பு

உத்தர பிரதேச முதல்வர் யோகி ஆதித்யநாத்தை லக்னோவில் உள்ள அவரது இல்லத்தில் நடிகர் ரஜினிகாந்த் நேற்று (ஆக.,19) சந்தித்து பேசினார். இந்நிலையில், இன்று சமாஜ்வாதி கட்சியின் தலைவர் அகிலேஷ் யாதவை நடிகர் ரஜினிகாந்த் சந்தித்து பேசினார். தொடர்ந்து, அங்கிருந்த முலாயம் சிங் யாதவ் புகைப்படத்திற்கு ரஜினி மரியாதை செலுத்தினார்.
சந்திப்புக்கு பின் ரஜினிகாந்த் அளித்த பேட்டி: 9 ஆண்டுகளுக்கு முன்பு நடந்த ஒரு நிகழ்ச்சியில் அகிலேஷ் யாதவுடன் நட்பு ஏற்பட்டது. நாங்கள் செல்போனில் பேசிக்கொள்வோம். 5 ஆண்டுகளுக்கு முன் நான் இங்கு வந்தபோது அவர் இங்கு இல்லை. அதனால் இப்போது அவரை சந்தித்தேன். இவ்வாறு அவர் கூறினார்.