சிம்பு 48 படத்திற்கு இசையா? - அதிர்ச்சியான ஏஆர் ரஹ்மான்

கமல்ஹாசன் தயாரிப்பில், தேசிங்கு பெரியசாமி இயக்கத்தில், சிம்பு கதாநாயகனாக நடிக்கும் அவரது 48வது படத்திற்கு ஏஆர் ரஹ்மான் இசையமைப்பதாக நேற்று செய்திகள் வெளியாகின. மிகவும் வைரலான அந்த செய்தி ஏஆர் ரஹ்மானுக்கே அதிர்ச்சியைக் கொடுத்துள்ளது.

அப்படிப்பட்ட செய்தி ஒன்றைப் பகிர்ந்து ஏஆர் ரஹ்மான், “????????” எழுப்பியுள்ளார். சிலம்பரசனின் சில படங்களுக்கு ஏஆர் ரஹ்மான் இதற்கு முன்பு இசையமைத்து அப்படங்களின் பாடல்கள் சூப்பர் ஹிட் ஆகியுள்ளன.

சிம்பு 48 படத்திற்கு யார் இசை என்பது பற்றி அதிகாரப்பூர்வ அறிவிப்பு வெளிவருவதற்கு முன்பே இப்படி ஒரு தகவல் பரவி அது செய்தியாகவும் வந்து அதற்கு ரஹ்மான் கமெண்ட் அடித்திருப்பதை ரசிகர்கள் பலரும் பதிலுக்கு கமெண்ட் அடித்து வருகிறார்கள்.

யாரோ ஒரு சிம்பு ரசிகர் பார்த்த வேலையாக இருக்குமோ ?.