நடிகர் சங்கக் கூட்டம் : செப்., 10ல் படப்பிடிப்பு ரத்து

தென்னிந்திய நடிகர் சங்கத்தின் 67வது ஆண்டு பேரவைக் கூட்டம் வரும் செப்., 10 ம் தேதி சென்னை, காமராஜர் அரங்கில் தலைவர் நாசர் தலைமையில் நடக்கிறது. நடிகர் சங்கத்தின் வேண்டுகோளை ஏற்று தமிழ் திரைப்படத் தயாரிப்பாளர் சங்கம், நடப்பு தயாரிப்பாளர் சங்கம் மற்றும் பெப்சி ஆகிய அமைப்புகள் அன்றைய தினம் படப்பிடிப்புகளை ரத்து செய்து விடுமுறை அளித்துள்ளது.

இந்தக் கூட்டத்தில் நடிகர் சங்கத்தின் 2022-23ம் ஆண்டுக்கான ஆண்டறிக்கை, எதிர்கால திட்டம் குறித்து விவாதிக்கப்படுகிறது. நடிகர் சங்க உறுப்பினர்கள் அனைவரும் தங்களுடைய உறுப்பினர் அட்டையுடன் தவறாமல் பங்கேற்குமாறு நடிகர் சங்கம் சார்பில் கேட்டுக் கொள்ளப்பட்டுள்ளது.